رد رضا عبدالعال نجم الاهلى و الزمالك و منتخب مصر السابق و الاعلامى بقناة Ten على تصريحات امام عاشور لاعب النادى الاهلى التى هاجمه خلالها بعد التتويج بكاس السوبر المصرى بعد الفوز فى نهائى البطولة على
مودرن فيوتشر بنتيجة 4-2.
و كان امام عاشور قد هاجم رضا عبدالعال فى تصريحات عقب اللقاء فى ظل الانتقادات التى يتعرض لها من جانب الاخير خلال الفترة الماضية.
و قال امام عاشور فى تصريحاته : "فى شخص كده اكيد انتوا عارفينه هجاص .. احب اقوله ان النهاردة اول بطولة ليا و واخد تالت كاس عالم .. انا مركز فى شغلى مش مع حد".
شاهد تصريحات امام عاشور
و رد رضا عبدالعال فى تصريحاته على امام عاشور خلال برنامج "البريمو" المذاع عبر قناة Ten هاجمه خلالها و اكد انه "وشه نحس" على النادى الاهلى.
و قال رضا عبدالعال فى تصريحاته : "ده عيل مايعرفش حاجة .. هى كلها 3 شهور و تمثال العجوة ده هيسيح .. هى بس زهوة انه جاى من الزمالك .. اللى لعبته بضهرى بتاريخه كله اللى جاى و اللى راح".
و تابع رضا عبدالعال : "انت وشك نحس علي النادي الاهلي .. انت يوم ما جيت الاهلي فقد بطولتين في تاريخه وانهادرة كانت التالته لولا ربنا و الجماهير اللى كانت مالية الملعب".
شاهد تصريحات رضا عبدالعال
و توج امام عاشور بأول بطولة له مع النادى الاهلى بتحقيق كاس السوبر المصرى بعد
ايام قليلة من تحقيق برونزية كاس العالم للاندية.
