كشف الاعلامي ابراهيم عبد الجواد، عبر برنامجه على فضائية اون سبورت، عن الاسباب الرئيسية لغياب امام عاشور المفاجى عن رحلة فريق النادي الاهلي المتجهة الى تنزانيا لملاقاة يانج افريكانز في الجولة الرابعة من مجموعات دوري ابطال افريقيا.
واوضح عبد الجواد ان محمد هاني كان احد اهم الاسباب التي ادت لتخلف امام عاشور عن اللحاق ببعثة الفريق في مطار القاهرة.
حيث قص عبد الجواد انه بعد ماتش الاهلي الاخير امام وادي دجلة في الدوري المصري ، دخل امام عاشور غرفة تبديل الملابس امام جميع اللاعبين معربا من غصبه من محمد هاني.
حيث قال امام ان محمد هاني قام بالغلط فيه طالبا من الكابتن وليد صلاح الدبن، مدير الكرة بالنادي، باتخاذ اجراء ضد محمد هاني.
واضاف ان المشكلة التي اغضبت امام عاشور من محمد هاني حدثت اثناء تنفيذ ضربة الجزاء حيث طلب هاني من امام عاشور ان يترك الكرة وان من يحدد من سيسدد ضربة الجزاء هو المدير الفني واللي المدرب يقوله هو اللي يمشي ومين يلعب ركلة الجزاء يقولها المدرب.
وبعد شكواه امام جمبع اللاعبين لاحظ امام عاشور ان وليد صلاح صلاح الدين لم يأخذ اي اجراء ضد محمد هاني لان القصة مكنتش كبيرة من هاني ، في هذه اللحظة ، ووفقا لمصادر مقربة من امام عاشور، اتخذ امام قراره بعدم مرافقة الفريق في رحلة تنزانيا.
ونفى ابراهيم عبد الجواد الانباء التي اشارت الى مرض امام عاشور واسرته قائلا: "ومفيش تعب ولا متحور ولا اي شئ".
وجاءت واقعة امام عاشور وهاني كاملة كما قصها عبد الجواد كالتالي:
• مفيش أي كلام من صباحية ربنا غير على إمام عاشور، وغرامه المليون ونصف جنيه وإيقافه بسبب بعدم سفره مع الأهلي إلى تنزانيا.. بعد ما سألنا على الأمر من أطرافه.
• القصة إن كان في فيديو وقت ركلة جزاء للأهلي في مباراة وادي دجلة، وكان زيزو واقف عايز تريزيجيه يشوطها علشان يبقى الهداف.
• إمام كان عايز يسجل، خاصة إنه لسه راجع وماشي كويس، وأخد الكرة يشوط، وكان عنده نوع غيرة وضيق وزعل من زيزو، وقال: ليه بتعزم على تريزيجيه؟ ما تدهالي أنا... ودي رواية حصلت بجد.
• جه واحد من الكباتن في الأهلي وهو محمد هاني، راح لإمام عاشور وقاله: سيب الترتيب يمشي زي ما هو، وكان في مناقشات، وتوروب قال النظام يمشي وزيزو يشوط.
• الموضوع منتهاش هنا مع إمام عاشور، واستفز محمد هاني وقاله كلام مينفعش يتقال، وهاني اتعصب عليه وقاله مينفعش، المهم اللي زود الطين بلة إن إمام اتغير في الدقيقة 60، هو معملش حاجة وهو خارج .. لكن دخل أوضة اللبس قدام اللعيبة كلها، وطلب من وليد صلاح الدين إن يبقى في عقوبة على محمد هاني لأنه تجاوز في حقه، ومكنش في خروج عن النص.
• الموضوع موقفش هنا، وحاول إمام يتواصل مع كابتن وليد، ومكنش في استجابة، ووصل شعور لوليد إن في تلكيكة من إمام هتحصل. • المعلومة من مصادر إن إمام إنه كان مقرر مش هيسافر مع الأهلي.
• الكل كان موجود في المطار، وابتدوا ياخدوا بالهم إن إمام مش موجود، واستنوا ساعة علشان يحاولوا يوصلوا له، وكل تليفوناته مقفولة.
• ركبوا الطيارة والتليفونات اتقفلت، الموضوع وصل للخطيب، واتاخد قرار مع عبد الحفيظ بتغريم إمام.
• وتم إرجاء الإعلان لحد وصول البعثة لتنزانيا، وتواصلوا مع وليد واتأكد من الرواية، وتم توقيع عقوبة على إمام، وحتى اللحظة محدش عارف يوصل لإمام.