ما زالت تصريحات حسام حسن، المدير الفني للمنتخب الوطني المصري، تلقي بظلالها على الشارع الرياضي المصري، والتي تم انتقادها والهجوم عليها من قبل معظم الجماهير والنقاد الرياضيين.
وكان حسام حسن قد هاجم كل من انتقد اداء المنتخب المصري خلال دورة الامارات الاخيرة والتي احتل فيها منتخب مصر المركز الثالث بالخسارة امام اوزبكستان 2-0 والفوز على الراس الاخضر بضربات الترجيح بعد نهاية الوقت الأصلي للمباراة 1-1.(شاهد ضربات الترجيح)
شاهد تصريحات حسام حسن المثيرة
وخلال حلقة اليوم من برنامج قهوة فايق، المذاع على فضائية ام بي سي مصر 2، كان محور الحديث من المتواجدين في الحلقة متمركز حول الرد على تلك التصريحات المثيرة لحسام حسن، والتي جاءت الردود مهاجمة ومنتقدة لتلك التصريحات.
وجاء السؤال في البداية من ابراهيم فايق، مقدم البرنامج، لضيوفه عن رأيهم في تصريحات حسام حسن بالأمس والتي هزت كوكب الأرض ومصر والتي بسببها قام ميكالي، المدير الفني للمنتخب الاولمبي المصري سابقا، بنشر بيان مطول للرد عليها.(اقرأ تصريحات ميكالي ردا على حسام حسن)
ووصف ابراهيم فايق تصريحات حسام حسن بقوله: "دي اغرب تصريحات انا سمعتها وشوفتها في حياتي كلها ، هتنتقد الكابتن حسام حسن هتبقي ضد الوطن ومش بتحب الوطن ، هتبقي مع الكابتن حسام حسن هتبقي بتحب البلد ووطني وده موضوع خطير جدا ان احنا ندخله في الكورة".
وقام ضيوف القهوة بالرد على سؤال ابراهيم فايق وجاءت اراء ضيوف الحلقة للرد على تصريحات حسام حسن كالتالي:
عبد الرحمن الشابوني: "انا عايز اعرف حاجه ليه الكابتن حسام حسن بيقعد يزعق لينا ؟ احنا كده كده كنا متروق علينا في الماتشين اصلا ، يا كابتن حسام انت اصلا مطلعتش حد زي ما انت قولت ، اللاعيبه دي معروفه وعادي بتروح منتخب والموضوع عادي خالص ، مش فاهم ليه بيزعق لينا في كلامه ، يا كابتن انت المفروض تطلع تقول لينا الحمدلله علي النتيجه في الماتشين وخلاص كده شلت الضغط علي كله".
محمود فايز: "مينفعش الكابتن حسام حسن اي حد مختلف معاه يبقي ضد البلد ؟ مال دي ومال البلد ، لازم يكون في اختلافات ووجهات نظر مختلفه ، لكن نحول الكلام ده لحب وطن ومش حب وطن ده كلام مينفعش خالص يطلع من مدير فني لمنتخب مصر ، ثم انت يا كابتن عامل مشاكل مع مصطفي محمد قبل كده وامام عاشور قبل كده والشناوي قبل كده وصلاح قبل كده ، واحنا بنحاول نصلح كل ده من وراك عشان الامور تمشي".
محمد فارس: "الكلام بتاع امبارح بتاع حسام حسن مكنش كلام كورة خالص ، مينفعش تطلع تقو معيش محترفين واكن المحترفين هما اللي شايلين المنتخب ، لا انت معاك نجوم محليين كتير ومعروفين ، احنا عملنا تاريخ منتخبنا ده باللاعيبه المحليه اصلا ونقدر نقول مليون اسم لاعيبه عادي ، كابتن حسام حسن بيقول امام عاشور من ضمن الغايبين ، طيب ما هو كان سليم قبل كده ومكنش بيروح المنتخب اصلا ، كابتن حسام حسن بيقولك انا جايب لاعيبه جديده بجربها ، طيب مين فيهم اصلا هيلعب أساسي ؟ اومال الراجل اللي طلع منعم وغيرهم وهو كيروش ده نقول عليه ايه ونعمل معاه ايه بقي".
شادي حبشي: "مش فاهم إيه العصبية على الكابتن حسام حسن؟ عصبية رهيبة قوي على شغل عام يا جماعة، ده شغل عام. إحنا بننزل فيديو على اليوتيوب ويكون عليه هجوم وشتايم وانتقادات رهيبة وبتتعود خلاص. المفروض إنك في أهم مهنة في مصر… مدير فني لمنتخب مصر. دي كورة يا جماعة، ولازم الناس تتكلم في الكورة، دي لعبة البسطاء والفقراء والشعب كله. الكابتن حسام حسن نفسه كان بيطلع ينتقد المديرين الفنيين اللي قبله وعادي. وبالمناسبة… الكابتن حسام حسن هو أسطوري المفضلة في مصر أصلاً، مينفعش خالص نطلع نتكلم كده على اللعيبة المحليين، دول هما اللي شايلين المنتخب. إيه العيب إن يكون عندي لعيبة محلية أصلاً؟ يا جماعة… زيزو وتريزيجيه وإمام عاشور دول محليين يعني؟ إبراهيم عادل ده جوهرة في المنتخب أصلاً. ده إحنا كنا ماسكين هيكتور كوبر وبنهاجمه هجوم رهيب، ومكنش معاه حد ، دي ماتشات تجربه عادي وتجرب برحتك ومفيش حد هيقولك حاجه اصلا ، لكن التصريحات اللي بعد الماتش دي صعبه اوي وغريبه اوي علي اي حد".
هل سيكمل حسام حسن مسيرته مع منتخب مصر:
كان هذا هو السؤال الذي تم طرحه على ضيوف البرنامج بعد نقدهم لتصريحات حسام حسن ومستوى منتخب مصر تحت قيادته.
وجاءت تنبؤات الضيوف لتشير بأن حسام حسن سيتحدد مصيره مع منتخب مصر بناء على نتائج المنتخب في بطولة امم افريقيا المقبلة (ثلاثة اصوات) ، بينما اشار اخرون انه لن يكمل مهمته مع منتخب مصر (صوتان) ، فيما امتنع محمود فايز عن التصويت.